Пасол Беларусі ў Францыі Павел Латушка распавёў у інтэрв’ю TUT.BY пра сваё стаўленне да нобелеўскай узнагароды.
Ён распавёў, што даведаўся пра прысуджэнне Нобелеўскай прэміі Святлане Алексіевіч па дарозе ў горад Клермон-Феран, куды ехаў на перамовы з мэрам.
“Для мяне гэта быў эмацыйны момант! Прыйшоў да мэра, і ён адразу ж папрасіў зрабіць фота для сваёй старонкі ў фэйсбуку з надпісам “Сустрэча з Паслом Беларусі — краіны, грамадзянка якой сёння стала Нобелеўскім лаўрэатам па літаратуры”. Гэта гістарычная падзея для беларускай культуры. Яно будзе аказваць уплыў на наша нацыянальная самасвядомасць і пазнавальнасць беларускай культуры ў свеце”.
Павел Латушка сказаў, што пасольства набыла ўсе выдадзеныя творы нобелеўскай лаўрэаткі на французскай і іспанскай мовах у пасольскую бібліятэку, каб можна было паказваць кожнаму: наш нобелеўскі лаўрэат.
Каментуючы неадназначнае стаўленне да Святланы Алексіевіч у беларускім грамадстве, Павел Латушка прывёў у прыклад Васіля Быкава:
“Я не маю права ацэньваць гэтага вялікага чалавека, але мы павінны дакладна разумець: ёсць Быкаў — выбітны літаратар, творы якога выдадзеныя мільённымі накладамі і працягваюць выдавацца, які глыбока разумеў важнасць духоўнага развіцця нацыі. Напэўна, няправільна так падзяляць, але я ўспрымаю яго, перш за ўсё, як найвялікшага пісьменніка і дзеяча культуры. Палітычныя аспекты прыходзяць і сыходзяць, а выбітная асоба застаецца. Гісторыя складваецца з фактаў і падзей, якія здзяйсняюць людзі. Калі мы хочам быць краінай і нацыяй, у нас павінны быць асобы ў мінулым і сёння, інакш іх не будзе ў будучыні”, — цытуе словы пасла TUT.BY.
Фота: bolshoi.by