Кваліфікацыйная камісія па пытаннях адвакацкай дзейнасці прызнала "не цалкам адпаведнай патрабаванням заканадаўства" кваліфікацыю Аляксандра Бірылава.
Бірылаву далі паўгода на выкананне рэкамендацый камісіі, паведамляе прэс-служба Мінюста. Пасля гэтага ён будзе павінен зноў прайсці атэстацыю. Ліцэнзіі яго не пазбавілі.
Бірылаў абараняе інтарэсы палітвязня Анджэя Пачобута — актывіста непрызнанага Саюза палякаў.
У Беларусі цягам апошняга года адвакатаў, якія ўдзельнічаюць у палітычных працэсах, нярэдка пазбаўляюць ліцэнзій. напрыклад, пазбавілі ліцэнзій адвакатаў Віктара Бабарыкі, падчас судовага працэсу без адваката застаўся Сяргей Ціханоўскі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут