Пхеньян падтрымаў Маскву / reuters.com
КНДР — першая краіна, якая падтрымала новую анэксію Расіяй тэрыторыі Украіны — "Л/ДНР", Херсонскай і Запарожскай абласцей. Пхеньян лічыць, што "галасаванне" прайшло ў адпаведнасці са статутам ААН, а "рэферэндумы" адлюстроўваюць пазіцыю жыхароў згаданых акупаваных украінскіх тэрыторый. Як вядома, ААН асудзіла дзеянні РФ. Захад анансуе новыя санкцыі супраць Масквы.
"Мы выказваем павагу да волевыяўлення жыхароў Данецкай і Луганскай народных рэспублік, Херсонскай і Запарожскай абласцей, якія імкнуліся да ўваходжання ў склад Расіі, і падтрымліваем пазіцыю ўрада Расіі аб прыняцці вышэйзгаданых рэгіёнаў у свой склад", — заяўляе МЗС Паўночнай Карэі.
Іншыя краіны свету анэксіі Расіяй украінскіх тэрыторый не прызналі. Тым часам украінскія войскі працягваюць вызваляць іх ад расійскіх акупантаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут