Кітайскае нацыянальнае касмічнае ўпраўленне апублікавала першыя каляровыя здымкі з паверхні Месяца. Іх больш за тысячу. Фота былі зробленыя кітайскім месяцаходам. На іх можна пабачыць пейзажы Месяца, сляды месяцахода на паверхні спадарожніка Зямлі.
Кітайскі месяцаход працуе са снежня 2013 года. Цяпер Кітай рыхтуе новую місію, на гэты раз на зваротны бок Месяца. У Пекіне падкрэсліваюць, што місія будзе мірнай.