Адносіны Беларусі і Еўрапейскага саюза маюць перспектывы, але вялікага прарыву ў іх чакаць не варта. З такой заявай перад журналістамі выступіў 19 ліпеня кіраўнік МЗС Латвіі Эдгарс Рынкевічс. Перад гэтым у яго адбыліся перамовы ў Мінску з міністрам замежных спраў нашай краіны Уладзімірам Макеем.
"Я бачу перспектыву, але не чакайце прарыву. Будзе яшчэ шмат спрэчак, будзе яшчэ шмат дыскусій. І гэта нармальна", — цытуе БЕЛТА словы кіраўніка латвійскай дыпламатыі.
Рынгкевічс мяркуе, што шэраг пытанняў у адносінах Беларусі і Еўрасаюза нельга вырашыць так хутка, як хацелася б. Пры гэтым дыпламат дадаў, што прагрэс ва ўзамеаадносінах ёсць і ён будзе працягвацца.
Таксама кіраўнік МЗС Латвіі адзначыў, што Беларусь — адна з дзяржаў, якія не заключылі рамачнае двухбаковае пагадненне з ЕС. Таму ў гэтым напрамку яшчэ трэба будзе працаваць.