Каля помніка Дзяржынскаму ў Мінску на аўтамабіль звалілася дрэва. Здарэнне ў скверы па вуліцы Камсамольскай адбылося ўдзень 30 жніўня. Рух транспарту быў часова перакрыты.
Дрэва ўпала з-за моцнага ветру. Сур'ёзныя пашкоджанні атрымаў адзін легкавік — Nissan. У ім праломлены дах, разбітае шкло. Рабочыя, якія працавалі на месцы здарэння, кажуць, што гаспадар аўтамабіля "не вельмі засмучаны", бо Nissan застрахаваны комплексным відам страхавання.