Ініцыятыва "Вулічная медыцына" аб'явіла, што спыняе дзейнасць. Яе ўдзельнікі аказвалі меддапамогу бяздомным. "Мы прынялі такое рашэнне, таму што нам усё больш складана ў бягучых умовах рабіць тое, што звычайна робяць НКА і дабрачынныя ініцыятывы", — пішуць яны ў Instagram.
Медыкі-энтузіясты адзначаюць, што ім цяжка весці легальную дзейнасць, шукаць на яе сродкі. А галоўнае — у цяперашніх рэаліях Беларусі немагчыма гарантаваць бяспеку валанцёраў. Яшчэ ў студзені 2021-га валанцёрак "Вулічнай медыцыны", якія дапамагалі бяздомным, асудзілі на 15 сутак арышту. З таго часу сітуацыя стала толькі горш — улады правялі "зачыстку" грамадзянскай супольнасці. Дастаецца і бяздомным. Днямі аднаго з іх прызналі палітвязнем.
⠀
"Не развітваемся і спадзяемся, што аднойчы адновім сваю працу", — пішуць энтузіясты.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут