Падчас затрымання Змітра Дашкевіча і Арцёма Леўчанкі міліцыянты выбілі дзверы ў кватэры вядомага пісьменніка Уладзіміра Арлова.
Дашкевіч і Леўчанка займаліся цяслярнымі работамі — абсталёўвалі кухню ў кватэры Арлова. Калі яны замовілі дастаўку піцы, у кватэру замест кур'ера ўварваліся міліцыянты ў цывільным.
Таксама міліцыянты затрымалі Сяргея Пальчэўскага, які ездзіў па інструменты на машыне Дашкевіча. У аўтамабілі выбілі бакавую шыбу з боку кіроўцы.