На месцы ДТЗ / @skgovby
Два чалавекі загінулі раніцай у сераду ў ДТЗ, якое адбылося ў Крычаўскім раёне. Пра гэта паведамляюць у Следчым камітэце. Сутыкнуліся грузавы аўтамабіль МАЗ і легкавая Lada.
Загінулыя — кіроўца і пасажыр легкавога аўтамабіля. Яшчэ адну жанчыну ў цяжкім стане забралі ў лякарню.
Паводле папярэдняй версіі, кіроўца МАЗа выехаў на сустрэчную паласу — кажа, "каб пазбегнуць сутыкнення з фурай, якая рухалася наперадзе". Пазбегнуць сутыкнення з аўтамабілем Lada, які рухаўся насустрач, ён не здолеў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут