Улады Беларусі могуць прапанаваць перавесці журналістаў, якія знаходзяцца за кратамі, пад хатні арышт. Пра такі варыянт Святлана Ціханоўская распавяла выданню Politico. Мяркуецца, што беларускія ўлады могуць пайсці на такі крок у якасці "дамовы" з Захадам. Сярод лабістаў такога сцэнару называюць міністра замежных спраў Уладзіміра Макея.
"Я заклікала міністраў не гуляць больш у гэтую гульню. Будзьце паслядоўныя ў сваёй палітыцы, таму што гэта шлях у нікуды, пакуль не будуць выкананыя ўсе патрабаванні грамадзянскай супольнасці, такія як вызваленне палітычных зняволеных, перамовы з грамадзянскай супольнасцю і новыя выбары", — сказала Ціханоўская выданню.
Па словах Ціханоўскай, міністры ЕС цяпер гэта разумеюць.
На сёння ў Беларусі больш за кратамі знаходзяцца за два дзясяткі прадстаўнікоў медыясферы. Гэта ўдзельнікі "справы Прэс-клуба", "справы TUT.by", а таксама затрыманыя па іншых справак (як, напрыклад, Дзяніс Івашын або Анджэй Пачобут).
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут