На тэрыторыі Расійскай Фэдэрацыі затрымалі былога юрысконсульта ААТ "Нафтан", заводу "Палімір" Аляксандра Капшуля, паведамляе "Рабочы рух".
Па іх інфармацыі, прычын затрымання невядомыя. Аляксандра перадалі супрацоўнікам КДБ Беларусі, якія таемна вывезлі яго ў Мінск.
Цяпер Капшуль знаходзіцца ў СІЗА КДБ, у яго зламаная нага і пашкоджаная рука.
Раней Еўрарадыё паведамляла аб тым, што ў аддзеле маркетынгу "Нафтана" праведзены ператрус і затрыманы як мінімум адзін супрацоўнік.
Ператрусы таксама прайшлі ў офісе першаснай арганізацыі Беларускага Незалежнага прафсаюза работнікаў ААТ "Нафтан". Раніцай 21 верасня з'явілася інфармацыя пра ператрус у кватэры і машыне ў старшыні прафсаюза "Нафтана" Вольгі Брыцікавай.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут