Прыйшло гарачае выбарчае лета, але Еўрарадыё і "Арт Сядзіба" працягваюць рабіць усё магчымае, каб вы слухалі музыку, не выходзячы з дому!18 чэрвеня ў нас бонусны (і дакладна апошні…) анлайн-канцэрт "Бяспечны LIVE". Для тых, хто ў самаізаляцыі, заспявае Koob Dele (Валерыя Дэле) — вакалістка гурта Dee Tree.
Гэта не проста анлайн-канцэрт. Мы праводзім яго ў падтрымку прытулку для жанчын, якія пацярпелі ад хатняга гвалту. Дабрачынная імпрэза арганізаваная Асамблеяй НДА Беларусі. Ахвяраваць камфортную для вас суму на шэлтар можна праз платформу “Імёны”.
Падключайцеся да стрыму на Youtube і ў Facebook у чацвер у 20:30 — і далучайцеся да гутаркі з музыкамі на сапраўды важныя тэмы. Каранавірус не пакіне нас без канцэртаў!
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.