11 траўня на абноўленым стадыёне “Дынама” адбыўся Bright Festival — першы маштабны івент, які даў старт Еўрапейскім гульням. Хэдлайнерамі фэста сталі “Каста”, “Ляпісы-98” і Святлана Лабада. Таксама выступілі Лера Яскевіч, J:Морс, Milmars. Арганізатары паведамляюць, што фэст наведала 20 тысяч чалавек — столькі прайшло праз турнікеты.
Побач са стадыёнам працавалі кропкі з фаст-фудам, можна было наведаць майстар-класы і забаўляльныя зоны. Такім чынам адбывалася тэставанне пляцоўкі, якая з 21 па 31 чэрвеня мае прыняць Еўрапейскія гульні і шматлікіх спартыўных заўзятараў. З музычнымі — атрымалася.