"Белавія" з 12 сакавіка прыпыняе палёты ў Рым. Рэйсаў не будзе да 15 красавіка, паведамляе прэс-служба авіякампаніі. За раней набытыя білеты абяцаюць вярнуць іх поўны кошт, альбо перанесці палёт на іншую дату да 31 траўня 2020-га без дадатковага збору і па тым жа маршруце.
З 12 сакавіка ад 15 красавіка не будуць выконвацца рэйсы ў Мілан. Грошы за раней набытыя білеты таксама вернуць.
Раней стала вядома, што "Белавія" адмяняе дзве траціны рэйсаў у Ізраіль. Прычына такога рашэння тая самая — каранавірус. І ў Ізраілі, і ў Італіі прымаюцца самыя радыкальныя меры па барацьбе з яго распаўсюдам.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.