Мяжа Беларусі і Украіны
Беларусь спыніла пагадненне з Украінай аб сумесным памежным кантролі. Закон аб гэтым сёння апублікаваны на Нацыянальным прававым інтэрнет-партале. Раней ён быў прыняты Палатай прадстаўнікоў і ўхвалены Саветам Рэспублікі.
Па дамове краіны абавязваліся весці спрошчаны і хуткі пропуск на памежных пунктах. Яна была падпісаная ў Кіеве амаль роўна 28 гадоў таму — 14 снежня 1995 года.
Прычына выхаду Беларусі з дамовы, вядома, не ў вайне. Усё гэта таму, што Украіна сама выйшла з гэтай дамовы ў аднабаковым парадку яшчэ ў лютым.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут