Rolls Royce Phantom перакрыў праезд адразу тром аўтамабілям на вуліцы Ленінградскай увечары 13 верасня. Аўтамабіль чорнага колеру меў транзітныя нумары. У салоне не было нікога. Шыльдачка з нумарам тэлефона і просьбай "затэлефанаваць, калі вам перашкаджае мая машына", таксама адсутнічала.
Кошт на шыкоўны брытанскі седан дасягае 500 тысяч долараў. Дзесяцігадовыя экзэмпляры на рынку патрыманых аўтамабіляў могуць каштаваць у пяць разоў танней. Гэта адзін з самых шыкоўных і дарагіх аўтамабіляў у свеце.