Перамовы па стварэнні сумеснага беларуска-ўкраінскага тэлеканала зайшлі ў тупік. Але перамовы будуць працягвацца. Пра гэта ў эксклюзіўным каментары Еўрарадыё заявіла міністр інфармацыі Беларусі Лілія Ананіч:
“У нас сапраўды былі перамовы, сустрэчы, але разам з тым, у адпаведнасці з заканадаўствам, у нас не было прапаноў з украінскага боку. Ёсць цэлы канкрэтны пералік дзеянняў, якія павінныя быць зробленыя, каб былі канкрэтныя прапановы. Таму, перамовы будуць працягвацца і думаю, што мы знойдзем паразуменне”.
Па словах Ананіч, беларускі бок выступае за тое, каб у нас было “плюралістычнае інфармацыйнае поле”.
Нагадаем, кіраўнікі Беларусі і Украіны Аляксандр Лукашэнка і Пётр Парашэнка заявілі аб дамоўленасці па стварэнні агульнага тэлеканала падчас перамоваў у Кіеве 21 снежня 2014 года.