Кіраўніца прадстаўніцтва Еўрапейскага саюза ў Беларусі Андрэа Віктарын завяршае працу ў нашай краіне. Ужо прызначаны новы кіраўнік прадстаўніцтва, а спадарыня Віктарын рыхтуецца да ад’езду ў Арменію, дзе таксама будзе прадстаўляць інтарэсы ЕС. У Беларусь на пасаду кіраўніцы прадстаўніцтва Андрэа Віктарын прыехала ў 2015 годзе.
Як змяніліся адносіны Беларусі і ЕС за час працы ў нашай краіне Андрэа Віктарын? Што атрымалася зрабіць і ці можна было дасягнуць большага? Чаму так і не атрымалася за гэты час падпісаць пагадненне аб змяншэнні кошту шэнгенскіх віз для беларусаў і пачаць працу над базавым пагадненнем паміж Беларуссю і Еўрасаюзам?
На гэтыя ды іншыя пытанні ў жывым эфіры Еўрарадыё адказвае кіраўніца прадстаўніцтва ЕС у Беларусі Андрэа Віктарын.