26 сакавіка да жыхара Іванава Андрэя Дражына завіталі міліцыянты. Прычынай візіту яны назвалі наяўнасць на фасадзе дома шыльды з адрасам, пафарбаванай у бел-чырвона-белыя колеры, піша tut.by.
Пра інцыдэнт паведаміў сын гаспадара дома — Мікіта Дражын. Ён распавёў, што міліцыянты прыйшлі з панятымі, якіх гаспадар дома адправіў за вароты, паклікаўшы замест іх суседзяў. Супрацоўнікі міліцыі агледзелі дом і гаспадарчыя пабудовы з мэтай выяўлення незарэгістраванай сімволікі. Пасля чаго склалі пратакол, знялі шыльды і затрымалі гаспадара дома.
Андрэй Дражын дагэтуль знаходзіцца ў ІЧУ Іванаўскага РАУСа. Чакаецца, што ў панядзелак 29 сакавіка адбудзецца суд, у выніку якога Дражыну могуць прызначыць штраф альбо суткі.
Па словах сына Дражына, падставай для візіту міліцыянтаў стала ананімная скарга. Мікіта кажа, што шыльда вісела на доме з 2015 года і чамусьці да апошняга часу гэты факт не лічыўся пікетаваннем.
To see this content visit the full version of this page.