4 чэрвеня з адной з мінскіх лякарняў супрацоўнікі выгналі вернікаў, якія раздавалі хворым Новыя Запаветы на рускай мове ў сінадальным перакладзе (г.зн. зацверджаныя кіраўніцтвам Рускай праваслаўнай царквы). Таксама вернікі падбадзёрвалі хворых і маліліся за іх, калі тыя прасілі. Пра гэтае здарэнне сайту krynica.info распавёў юрыст, евангельскі хрысціян Сяргей Луканін.
Ён паведаміў, што ў такім служэнні ўдзельнічаюць вернікі розных хрысціянскіх цэркваў. Яно адбываеца раз у месяц па нядзелях.
Адна з пацыентак запыталася ў Луканіна, ці пакланяецца ён святым. Вернік-пратэстант паспрабаваў ухіліцца ад адказу, тады жанчына абвінаваціла яго ў сектанцтве. "Адразу выйшлі з палаты, перайшлі ў іншую, але былі адтуль са скандалам выведзеныя мясцовым медперсаналам", — распавёў Луканін. Па яго словах, не дапамагло нават тое, што дазвол на раздачу Новых Запаветаў быў дадзены адказным урачом па лякарні. Дзяжурны лекар заявіла, што вернікі там не патрэбныя.