Агенцтва Ruptly апублікавала фотаздымкі, знятыя ў будынку Керчанскага політэхнічнага каледжа пасля нападу. На іх можна пабачыць, што ў некаторых класах і калідорах разбураныя перагародкі, разбітыя люстэркі, паваленыя шафы, перакуленыя парты і вазоны з кветкамі, паведамляе meduza.io
17 кастрычніка ў каледжы адзін з навучэнцаў узарваў самаробную бомбу і пачаў страляць з ружжа па студэнтах і выкладчыках. Загінуў 21 чалавек, 50 трапілі ў лякарню. Нападнікам быў 18-гадовы Уладзіслаў Раслякоў, які здзейсніў суіцыд.