Суддзя Т.Акавітая з Цэнтральнага суда Мінска прысудзіла 15 сутак арышту Вользе Кавальковай, сябры прэзідыуму Каардынацыйнай рады. Апазіцыянерку прызналі вінаватай ва ўдзеле ў несанкцыянаванай акцыі 23 жніўня, паведамляюць праваабаронцы "Вясны".
Раней Кавалькову і яшаэ аднаго сябра Каардынацыйнай рады — лідара страйкаму МТЗ Сяргея Дылеўскага асудзілі на 10 сутак. Сёння яны мусілі выйсці на волю, але замест таго адправіліся на чарговыя суды.
Пазней суддзя Шабуня вынесла Дылеўскаму аналагічны прысуд — 15 сутак.
Раней улады апробвалі такі ж метад на Паўлу Севярынцу: яго таксама некалькі разоў судзілі за кратамі, прыплюсоўваючы тэрміны адміністрацыйнага арышту. Калі адміністрацыйныя тэрміны скончыліся, на яго пачалі крымінальную справу.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.