Чытаць болей: Пуцін падзякаваў Лукашэнку за Крыгера
Нарэшце суд абвясціў рашэнне. Але пасля паловы стагоддзя ў камеры для смяротнікаў у Хакамады аказалася падарваным псіхічнае здароўе, і ён не змог прысутнічаць на слуханні, на якім яго апраўдалі. Ён усё яшчэ знаходзіцца ў доме сястры, якой ужо 91 год.
Але яго прыхільнікі сабраліся ля залы суда і выкрыквалі "банзай". Гэты японскі вокліч значыць "ура".
За гэтым дакладна трэба сачыць
ЗША і Вялікабрытанія прасілі падумаць пра спыненне агню паміж Ізраілем і "Хезбалой". І неўзабаве прэм'ер-міністр Ізраіля Біньямін Нетаньяху загадаў ізраільскім вайскоўцам працягваць змагацца ў Ліване. А ізраільскі міністр замежных спраў заявіў, што спынення агню не будзе.
Міністэрства аховы здароўя Лівана паведаміла, што ў выніку апошніх удараў Ізраіля загінула прынамсі 13 чалавек. А з панядзелка колькасць загінулых у краіне перавысіла 550.
Амаль штодзённыя перастрэлкі адбываюцца на мяжы паміж Ізраілем і "Хезбалой".
"Хезбала" заяўляе, што дзейнічае ў знак салідарнасці з палестынцамі. Ізраіль заяўляе, што яго мэта — ліквідаваць пагрозу "Хезбалы" і вярнуць перамешчаных асоб назад на поўнач Ізраіля.
Канца гэтаму не відаць.
Спа замест дабрачыннасці
Мадэль Наомі Кэмпбел адхілілі ад пасады апякункі дабрачыннай арганізацыі. Расследаванне выявіла доказы фінансавых махінацый у дабрачыннай арганізацыі па барацьбе з галечай, якую яна ўзначальвала больш за дзесяць гадоў.
Расследаванне паказала, што арганізацыя Fashion for Relief скіравала на дабрачынныя мэты толькі малую частку мільёнаў, сабраных на модных мерапрыемствах з удзелам знакамітасцяў.
Пры гэтым выдаткавала дзясяткі тысяч долараў на раскошныя гатэльныя нумары, спа-працэдуры, цыгарэты і асабістую ахову Кэмпбел.
Следчыя канфіскавалі ў дабрачыннай арганізацыі больш за 400 тыс. фунтаў стэрлінгаў і выплацілі іх арганізацыі Save the Children і Фонду мэра Лондана. Менавіта яны 4 гады таму паведамілі пра свае падазрэнні наконт Fashion for Relief.
"Брыджэртаны" не апраўдалі чаканняў
Прыхільнікі "Брыджэртанаў" раз'юшаныя. Неафіцыйны баль у Дэтройце па матывах папулярнага серыяла на Netflix не апраўдаў чаканняў.
"Прыходзьце да нас на вечар вытанчанасці і чароўнасці зачаравання. Прабаўце непаўторную ноч, напоўненую музыкай, танцамі і вытанчанымі касцюмамі", — гаварылася ў анонсе.
Меркавалася, што будуць танцы, музыка і свецкія размовы. Але наведнікі паскардзіліся на танны дэкор і сырую ежу. А ў якасці забавы арганізатары свецкага балю запрасілі стрыптызёрку.
Фанаты патрабуюць вярнуць грошы. А ў сацыяльных сетках распаўсюджваюцца фатаграфіі і відэа, на якіх жанчыны, апранутыя ў свае найлепшыя строі, сядзяць на падлозе і, сумуючы, пракручваюць старонкі ў тэлефонах.
Мерапрыемствы не былі звязаныя з Netflix. Арганізатары сказалі, што працуюць "над ліквідацыяй выяўленых праблем".