Джасцін Тымберлейк / gettyimages.at
У ЗША паліцыяй штата Нью-Ёрк за кіраванне ў нецвярозым стане арыштаваны вядомы амерыканскі спявак і акцёр, дзесяціразовы ўладальнік прэміі "Грэмі" Джасцін Тымберлейк. Як паведамляе "Бі-Бі-Сі", неўзабаве яму выставяць афіцыйнае абвінавачванне.
Тымберлейка арыштавалі ў мястэчку Саг-Харбар на востраве Лонг-Айлэнд. Там праводзяць свой летні адпачынак некаторыя заможныя жыхары Нью-Ёрка. Паліцыя пакуль не распавядае, пры якіх менавіта абставінах быў арыштаваны спявак. У штаце Нью-Ёрк пакаранне за кіраванне ў нецвярозым стане прадугледжвае турэмнае зняволенне на тэрмін да года, штраф у памеры 1000 долараў і пазбаўленне вадзіцельскіх правоў на тэрмін не менш за 6 месяцаў.
Летась у адным з інтэрв'ю Джасцін Тымберлейк прызнаўся, што ў яго кар'еры быў перыяд, калі ён злоўжываў алкаголем.
У бліжэйшы час 43-гадовы Тымберлейк збіраўся адправіцца ў сусветнае турнэ пасля выхаду яго 6-га альбома Everything I Thought It Was. У гэтыя выхадныя ён павінен быў даць два канцэрты ў Чыкага.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут