Аб'ёмы золата скараціліся, валюты — выраслі / ілюстрацыйнае фота pixabay.com / pixabay.com
Золатавалютныя рэзервы Беларусі па выніках жніўня склалі 7 млрд 990 млн долараў, паведамілі ў Нацыянальным банку Беларусі. Гэта крыху больш, чым было на канец ліпеня. Рост склаў усяго 17,7 млн долараў.
Пры гэтым кошт манетарнага золата і спецыяльных правоў пазычання скараціўся на 83 млн долараў, а рэзервовыя актывы ў замежнай валюце выраслі на 100,7 млн долараў. Можна меркаваць, што Нацбанк у ліпені актыўна скупляў валюту на Беларускай валютна-фондавай біржы.
Нагадаем, што з мінулага года Нацбанк не каментуе, што ўплывае на змяненне аб'ёмаў ЗВР. Варта таксама адзначыць, што згодна з асноўнымі напрамкамі грашова-крэдытнай палітыкі на канец года памер ЗВР Беларусі павінен скласці не менш за 6 млрд долараў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут