Нечаканая знаходка / t.me/praca_zelwa/
У Зэльвенскім раёне Гродзенскай вобласці падчас рамонту дарогі Р-99 на 102-м яе кіламетры каля вёскі Пасуцічы адкапалі танк (а хутчэй "астанкі вузлоў і агрэгатаў, характэрных для баявых гусенічных машын"), паведамляе раённая газета "Праца". Ён быў засыпаны пяском і знаходзіўся там з часоў Другой сусветнай вайны.
Спецыялісты кажуць, што з-за моцных пашкоджанняў на вызначэнне маркі, мадэлі і тыпу баявой машыны спатрэбіцца час. Мяркуецца, што гэта можа быць Т-34.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут