ДТЗ са смяротным вынікам адбылося 12 снежня ў вёсцы Янавічы Ваўкавыскага раёна Гродзеншчыны. Пры аварыі загінуў кіроўца грузавіка.
Паводле інфармацыі gaigrodno.by, на закругленні дарогі ў правы кювет спярша з'ехаў адзін МАЗ. Прыкладна праз пяць хвілінаў абсалютна па той самай траекторыі з дарогі вылецеў другі МАЗ.
Пры сутыкненні аўтамабіляў кабіна аднаго з іх была скамечаная настолькі, што там паросту не засталося прасторы. Кіроўца памёр на месцы.
Як іннфармуе МУС, загінуламу кіроўцу было 49 гадоў, ён жыхар вёскі Падароск.