У Мінску ў раёне Лагойскага тракту знайшлі армейскія выбухпакеты. Здарэнне адбылося ў другой палове дня 8 верасня. Як інфармуе прэс-служба МНС, на месца выязджалі сапёры. Высветлілася, што на адкрытай тэрыторыі ляжалі два армейскія выбухпакеты і асобна ад іх — узрывальнік РГД-5. Пасля абследавання знаходкі перадалі ў РУУС Савецкага раёна.
Праваахоўнікі праводзяць аператыўна-следчыя мерапрыемствы.
Як паведамляла Еўрарадыё, днямі ў Мінску ў сметніку недалёка ад чыгуначнага вакзалу знайшлі выбухпакет. Праводзілася праверка.
Здымак з архіву. Фота: intex-press.by