У Мінску на вуліцы Варанянскага рабочыя замалёўваюць бадай што самы вядомы ў Мінску мурал — "Чалавек без твару". Замест яго будзе проста жоўтая сценка.
Мурал даўно выклікаў нараканні з боку жыхароў навакольных дамоў: яны называлі карціну празмерна дэпрэсіўнай.
Мурал "Чалавек без твару", намаляваны зоркай грэчаскага стрыт-арту Ino, з'явіўся ў Мінску ў кастрычніку 2015 года. Выява ўвайшла ў Топ-10 найлепшых графіці свету ў рэйтынгу спецыялізаванага сайта Streetartnews.