22 кастрычніка ў Мінску судзілі баскетбаліста Ягора Мешчаракова. Яго аштрафавалі на 540 рублёў за "парушэнне парадку арганізацыі і правядзення масавых мерапрыемстваў", паведамляюць праваабаронцы.
Адміністрацыйную справу Мешчаракова разглядаў суд Заводскага раёна сталіцы, суддзя — Жанна Хвайніцкая.
Ягор Мешчаракоў — адзін з лідараў свабоднага аб'яднання спартсменаў, выступіў за новыя выбары і супраць гвалту сілавікоў, удзельнічаў у вулічных акцыях пратэсту. Ён сышоў з пасады віцэ-старшыні Беларускай федэрацыі баскетбола.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.