Вечарына памяці рэжысёркі Нікі Ніканавай пройдзе ў Мінску 21 жніўня. Пра гэта напісаў у Фэйсбуку яе муж грамадскі актывіст Пётр Маркелаў.
"Мы з Нікай шмат марылі. Аб падарожжах, пра тое, як прыедзем у Беларусь, аб сумесных праектах. Пра тое, як пазнаёмім нашых сяброў.
Апошняе яшчэ можна зрабіць. У сераду 21 жніўня з 18:00 на Хата 18х63 (2-я вуліца Шчорса, 33) пройдзе сустрэча памяці Нікі для нашых сяброў. Для тых, хто хацеў пазнаёміцца з ёй, але не паспеў. Калі ласка, прыходзьце. Гэта ўчастак у 1 хвіліне пешшу ад ст.м. "Грушаўка", дзе можна развесці вогнішча. У выпадку дажджу можна будзе схавацца ў Хату", — напісаў Маркелаў.
Развітанне з Нікай Ніканавай адбудзецца 20 жніўня ў 14:00 у царкве "Новае жыццё" (вуліца Кавалёва, 72), куды хадзіла дзяўчына.
24-гадовая рэжысёрка загінула напрыканцы ліпеня на Алясцы. Яна была аўтаркай дакументальнага фільма "Пакаленне 328", у якім распавядаецца пра "Матчын рух 328".
Пасля смерці Нікі Ніканавай быў арганізаваны збор грошай для яе сваякоў. За суткі было сабрана больш за 16 тысяч долараў. "Дзякуй усім, хто пералічыў грошы на GoFundMe і для мяне. У нашага сябра і сведкі на вяселлі Мішы цяпер будзе цяжкі час з падатковымі органамі (ён кажа, справіцца). Рэшта сродкаў пойдзе на завяршэнне Нікінага фільма "Generation 328" пра "Маці 328". Сябры і выкладчыкі з New York Film Academy працуюць над тым, каб мацярок, з якімі яна вельмі пасябравала за час здымак, пачулі, і змены ў Беларусі сталі бліжэй, як яна хацела", — дадаў Пётр Маркелаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.