У Мінску касір памылкова выдаў мужчыне 1000 еўра. Адбылося гэта ўвечары 20 лістапада падчас абмену валюты ў аддзяленні банку ў гандлёвым цэнтры “Скала”. Мужчына перадаў касіру буйную суму грошай для канверсіі. Супрацоўнік аддзялення банку памыліўся і выдаў значна больш грошай.
Мінская міліцыя распаўсюдзіла фота невядомага толькі цяпер, праз паўтара месяца пасля здарэння. Праваахоўнікі яго шукаюць і просяць грамадзян дапамагчы ва ўстанаўленні асобы.