Пажар на "Крыніцы" / МНС
На бровары "Крыніца" ў Мінску па вуліцы Радыяльнай здарыўся пажар.
Як паведамляе прэс-служба МНС, загаранне адбылося на адкрытай пляцоўцы часовага захоўвання адходаў вытворчасці. Агонь ахапіў плошчу 500 квадратных метраў, загарэліся два гідраўлічныя прэсы і прыпаркаваны побач седлавы цягач з паўпрычэпам.
Працы ратавальнікаў перашкаджаў моцны вецер, які пагражаў распаўсюдам агню на вялікія плошчы.
Для ліквідацыі пажару былі выкарыстаныя 12 машын МНС. Пацярпелых пры здарэнні няма.
Прычына і абставіны пажару высвятляюцца.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут