Абяцаюць завяршыць усе працы да сярэдзіны лета 2026 года / Минск. Главное!
У Цэнтральным батанічным садзе НАН Беларусі з’явіцца "Французскі сад", які дадасць еўрапейскай эстэтыкі Мінску. Аб’ект будзе з выразнымі лініямі дарожак, сіметрычнымі пляцоўкамі і вытанчанымі малымі архітэктурнымі формамі.
Цэнтрам экспазіцыі стане "берсо" — манументальная канструкцыя з металу з драўлянымі рашоткамі.
Экспазіцыя будзе падзелена на дзве тэматычныя зоны. Правая частка — гэта лабірынт "Легенды беларускага лесу". Жывыя агароджы ўтвараюць заблытаныя хады, а ў тупіковых участках будуць устаноўлены скульптуры жывёл.
У левай частцы будзе адкрыты парцёр — класічная зона для прагулак і сузірання.
Рэалізацыя праекта пачалася ў 2025 годзе, аўтары абяцаюць завяршыць яго да сярэдзіны лета 2026 года.
Нагадаем, што ў 2025 годзе ў батанічным садзе адкрылася абноўленая экспазіцыя "Японскі сад".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут