29 кастрычніка ва ўрочышчы Курапаты пад Мінскам пройдзе акцыя "Ноч расстраляных паэтаў". Яна пачнецца ў 20:00.
У рамках акцыі вядомыя музыкі, літаратары, грамадскія дзеячы будуць выступаць, чытаць вершы расстраляных у сталінскія часы беларускіх паэтаў. Мяркуецца, што акцыя працягнецца тры гадзіны.
У ноч з 29 на 30 кастрычніка 1937 года былі расстраляныя больш за 100 прадстаўнікоў беларускай інтэлігенцыі, у тым ліку 22 літаратары.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.