У Крупскім раёне трое мужчын ледзь не патанулі, перакуліўшыся на лодцы пад ветразем. Як паведамляе сайт МНС, здарэнне адбылося 26 кастрычніка на возеры Сялява каля вёскі Дубы. У той час быў моцны вецер і людзі не здолелі ўтрымаць лодку, таму апынуліся ў вадзе. Выратавальнікаў выклікаў адзін з пацярпелых.
У момант прыбыцця супрацоўнікаў МНС мужчыны знаходзіліся за 300 метраў ад берага і не маглі самастойна выбрацца. Іх выцягнулі з дапамогай выратавальнай дошкі і перадалі брыгадзе медыкаў хуткай дапамогі.
Пасля агляду ўратаваных людзей адпусцілі — дапамога медыкаў ім не спатрэбілася.