Увечары 15 лістапада у Гомелі моладзевая група прыходу Спаса-Праабражэнскай царквы правяла акцыю памяці ахвяраў тэрактаў у Парыжы і крушэння расійскага самалёта. Як перадае БелаПАН, удзельнікі акцыі запалілі больш за 300 свечак — па колькасці ахвяраў тэракту і авіякатастрофы.
Акрамя таго, праваслаўны святар саслужыў ліцію па нябожчыках.
Настаяцель Спаса-Праабражэнскага храма Алег Кастрама адзначыў, што моладзь не засталася абыякавай да трагедыяў: "У кожнай трагедыі гінуць людзі, маці губляюць дзяцей, дзеці — бацькоў. І гэта заўсёды вельмі балюча. Сёння мы молімся і памятаем пра ахвяры як авіякатастрофы, так і тэракту, таму што няма французаў, няма расіян, значыць мы — дзеці Божыя, якія жывуць на адной планеце, бо Зямля — наш агульны дом. І таму любая трагедыя — яна наша агульная".