У рэдакцыю Радыё Свабода трапіла копія дакумента, які даслалі ў адну з гомельскіх крам. З дакумента вынікае, што "Гомельхлебпрам" не мае мукі на два дні працы. У сувязі з чым прадпрыемства папярэджвае пра немагчымасць выканаць пастаўкі прадукцыі ў гандлёвыя сеткі Гомеля і вобласці.
У шэрагу крам ужо сёння на паліцах адсутнічалі некаторыя папулярныя гатункі хлеба, спечанага пазней за 20 лютага. Зрэшты, мясцовыя пакупнікі без хлеба не застануцца — крамы прапануюць разнастайны асартымет хлебабулачных вырабаў ад іншагародніх вытворцаў.
Пікантнасці сітуацыі дадае той момант, што напярэдадні выбараў Аляксандр Лукашэнка тройчы палохаў выбарцаў вяртаннем у 1990-я, калі «мукі не было на тры дні», піша Радыё Свабода.
To see this content visit the full version of this page.