Беларусы ў Еўропе / newbelarus.vision
У шостую гадавіну прэзідэнцкіх выбараў 2020 года Еўрасаюз і шэраг еўрапейскіх краін заявілі пра падтрымку беларусаў і асудзілі працяг рэпрэсій.
Еўрапейская служба знешніх сувязяў заявіла, што ў 2020 годзе мірнае волевыяўленне сотняў тысяч беларусаў было сустрэта "беспрэцэдэнтнай сілай і гвалтам". ЕС, гаворыцца ў заяве, выступае за свабодную, дэмакратычную, суверэнную і незалежную Беларусь.
Падтрымку беларусам таксама выказалі Польшча, Літва, Латвія, Эстонія, Румынія, Славенія і Фінляндыя. У сваіх заявах яны заклікалі вызваліць палітычных зняволеных, спыніць рэпрэсіі і даць беларусам магчымасць самастойна вызначаць будучыню краіны.
Літва і Латвія асобна адзначылі, што рэпрэсіі выйшлі за межы Беларусі і закранулі беларусаў у выгнанні. Латвійскае МЗС таксама асудзіла гібрыдныя атакі Мінска супраць краін ЕС і яго падтрымку вайны Расіі супраць Украіны.
Прадстаўнікі еўрапейскіх інстытуцый падкрэслілі: нягледзячы на шэсць гадоў рэпрэсій, беларусы працягваюць змагацца за свабоду, дэмакратыю і права самім вызначаць сваю будучыню. "Голас беларускага народа нельга заглушаць", — заявіў Кангрэс мясцовых і рэгіянальных уладаў Савета Еўропы.
Today marks the sixth year since the fraudulent presidential elections in Belarus. Then, the democratic expression of hundreds of thousands of Belarusians was met with unprecedented force and violence. The EU stands with Belarusian people for a free, democratic, sovereign and… pic.twitter.com/D4wkj2RJP9
— European External Action Service - EEAS 🇪🇺 (@eu_eeas) August 9, 2026
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут