Чэрвенскі дом-інтэрнат для дзяцей з асаблівасцямі псіхафізічнага развіцця / ktzszmoik.gov.by
У Чэрвенскім доме-інтэрнаце для дзяцей-інвалідаў і маладых інвалідаў з асаблівасцямі псіхафізічнага развіцця ў 14 дзяцей пацвердзілі COVID-19. Паводле інфармацыі Еўрарадыё, інтэрнат закрылі на каранцін.
Крыніца Еўрарадыё ў Чэрвенскай раённай бальніцы расказвае, што інфекцыю ў дзяцей выявілі 22 красавіка. Пасля гэтага іх перавялі з інфекцыйнага аддзялення бальніцы ў Мар'інагорскую ЦРБ.
— Медсёстры і санітаркі дома-інтэрната чакаюць аналізаў. Старшая медсястра ў цяжкім стане, яе шпіталізавалі ў бальніцу ў Жодзіне. Загадчык інфекцыйнага аддзялення Чэрвеньскай бальніцы — на самаізаляцыі з павышанай тэмпературай.
Цяпер у рэанімацыі ў нас шэсць чалавек з запаленнем лёгкіх, некалькі чалавек памерла ад пнеўманіі. Але тэсты ім не рабілі, — расказвае работнік бальніцы.
Чэрвень цяпер актыўна рыхтуецца да абласных Дажынак. Свята ўраджаю павінна прайсці там восенню гэтага года.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.