Самая шматлікая група прыехала з Непала / LookByMedia
Паводле звестак упраўлення па грамадзянстве і міграцыі Брэсцкага УУС, у вобласці зарэгістравана 1922 працоўных-імігранта. Самая шматлікая група прыехала з Непала — 767 чалавек. Такія даныя прыводзяцца ў дакладной запісцы на імя намесніка старшыні Брэсцкага аблвыканкама. Дакумент у распараджэнне рэдакцыі Еўрарадыё перадала ініцыятыва BELPOL.
Больш за ўсё імігрантаў працуе на "Санта Брэмар" — 650 чалавек. На другім месцы ў Брэсцкай вобласці ідзе найбуйнейшае прадпрыемства па вытворчасці шампіньёнаў у Беларусі "Боншэ", там працаўладкавана 111 чалавек. На трэцім месцы — вытворца бытавой тэхнікі з Кітая "Мідэа Рэфрыджэратар Маньюфактурынг" — 53 чалавекі.
Пры гэтым у Брэсцкай вобласці на канец студзеня было ўлічана 2 143 месцы для працоўных імігрантаў.
Па тэрытарыяльнай прыкмеце найбольшая колькасць працоўных-імігрантаў зарэгістравана ў Брэсце — 1309 чалавек, на другім месцы Баранавічы — 338 чалавек.
Паводле звестак упраўлення па грамадзянстве і міграцыі значная частка працоўных-імігрантаў пражывае ў хостэлах, інтэрнатах, гасцініцах.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут