У Барысаве жанчыне заціснула руку ў цестамесе. Як паведамляе сайт МНС, здарэнне адбылося позна ўвечары 25 кастрычніка — на экстраную лінію патэлефанавалі ў 23:32.
Выратавальнікі з дапамогай гідраўлічнага інструмента дапамаглі пацярпелай вызваліцца. Затым жанчыну даставілі ў Барысаўскую раённую лякарню.
Ці была гэта вытворчая або бытавая траўма не паведамляецца.
Усяго за апошнія суткі ў Мінскай вобласці зафіксавана 5 здарэнняў. Падчас пажару ў Клецку супрацоўнікі МНС уратавалі жыхара шматкватэрнага дома. Мужчына атруціўся прадуктамі гарэння, ён шпіталізаваны.