Уладзімір Толкач / vk.com
У Барысаве 70-гадовага Уладзіміра Толкача судзілі за вершы з "абразай Лукашэнкі". Яму прызначылі тры гады "хатняй хіміі", паведамляе "Вясна".
Усё пачалося з таго, што вясной у пенсіянера правялі ператрус і забралі камп'ютар. У ім знайшлі вершы Толкача. Эксперты прыйшлі да высновы, што некаторыя іх радкі "могуць утрымліваць абразу Аляксандра Лукашэнкі". Справу разглядаў суд Барысаўскага раёна (суддзя — Таццяна Шыман). Яго перапынялі, бо Уладзіміру Толкачу стала дрэнна, выклікалі "хуткую", якая адвезла яго ў бальніцу. Але пазней разгляд справы аднавіўся.
Летась Толкача затрымлівалі, ён правёў 10 сутак за кратамі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут