У бабруйскай калоніі пачалася ўспышка каранавіруса, паведамляюць праваабаронцы. У турме адбываюць пакаранне 39 палітвязняў.
У сувязі з гэтым адміністрацыя калоніі прыняла шэраг захадаў. Найперш адменены працяглыя спатканні, у той час як кароткатэрміновыя засталіся дазволенымі. Замест бягучых атрадаў ствараюцца каранцінныя — у апошніх адменены відэазванкі.
Адміністрацыя бабруйскай калоніі таксама робіць тэсты на COVID-19, а тых, хто цяжка хварэе, накіроўвае ў санчастку.
Як паведамляла Еўрарадыё, па стане на 23 лістапада ў Беларусі налічваюцца 884 палітвязні. Праваабаронцы лічаць пераслед гэтых людзей палітычна матываваным і патрабуюць ад уладаў Беларусі вызваліць іх, а таксама спыніць крымінальныя справы ў дачыненні да іх.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут