Калі вы планавалі выдаткі ў доларах, самы час забегчы ў абменнік / Еўрарадыё
Долар пабіў чарговы рэкорд за апошнія паўтара года. 10 жніўня ён вырас амаль на тры капейкі і каштуе 3,1788 рубля. Еўра таксама дасягнуў максімуму прыкладна за той жа перыяд. Ён падаражэў больш чым на тры капейкі і каштуе 3,46 рубля.
Каб трымаць беларускую эканоміку на плаву, ураду трэба, каб долар наогул каштаваў 3,4-3,5 беларускага рубля.
Еўрарадыё даведалася, чаму долар і еўра ўмацоўваюцца, навошта эканоміцы дарагі долар і ці час бегчы ў абменнік.
Падзенне курсу беларускага рубля да долара і еўра апошнім часам звязанае перш за ўсё са зніжэннем курсу рубля расійскага, кажа эканаміст Яраслаў Раманчук.
Эканаміст, кіраўнік праекта "Кошт урада" Уладзімір Кавалкін адзначае, што беларускі рубель можа ўпасці яшчэ мацней.
— Беларускія тавары становяцца даражэйшымі на расійскім рынку. Гэта азначае, што трэба альбо дэвальваваць [зніжаць курс нацыянальнай валюты. — Еўрарадыё] беларускі рубель, альбо скідваць цэны [на беларускія тавары ў Расіі]. Ці трэці вынік, які можа быць, — гэта продаж беларускіх тавараў у Расіі спыніцца, а імпарт з Расіі ў Беларусь павялічыцца. То-бок эканоміка адрэгулюе гэтую сітуацыю або праз падзенне ВУП і рост імпарту з Расіі, або праз дэвальвацыю.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут