Тайвань абмяжоўвае пастаўкі станкоў у Беларусь і Расію, ілюстрацыйнае фота / pexels.com
Міністэрства эканомікі Тайваня пашырыла санкцыі на экспарт тавараў у Беларусь і Расію. Дадатковыя меры набудуць моц 8 сакавіка, гаворыцца ў паведамленні ведамства.
Пад забарону трапілі пастаўкі 77 найменняў станкоў, у тым ліку электрамеханічныя станкі, металаапрацоўчыя цэнтры, такарныя, фрэзерныя і шліфавальныя станкі.
На Тайвані адзначаюць, што гэта абсталяванне дазваляе вырабляць высокадакладную апрацоўку металу, мае шырокі спектр прымянення, у тым ліку можа выкарыстоўвацца ў ваенна-прамысловым комплексе.
Раней Тайвань абмежаваў пастаўкі тавараў высокіх тэхналогій у Беларусь і Расію.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут