Старшыню непрызнанага ўладамі Саюза палякаў Беларусі Анжаліку Борыс вызвалілі ад адказнасці за арганізацыю кірмашу на Казюкі. Такое рашэнне прыняў суд Ленінскага раёна ў Гродне 23 красавіка.
Такое рашэнне было прынятае ў сувязі з невялікай грамадскай шкодай дзеяння, паведамляе ў Фэйсбуку журналіст Анджэй Пачобут.
Як распавядала Еўрарадыё, 3 сакавіка Саюз палякаў правёў у закрытым дворыку каля генконсульства Польшчы традыцыйны кірмаш Казюкі. Імпрэза ладзіцца ўжо 20-ы год запар. Анжаліку Борыс абвінавацілі ў парушэнні заканадаўства аб арганізацыі масавых мерапрыемстваў.