Па выніках лёсавання стала вядома саперніца Арыны Сабаленка на старце алімпійскага турніру. Гэта — Магда Лінэт з Польшчы, 45-я ракетка свету. Турнір стартуе 24 ліпеня.
Наступная саперніца — пераможца пары Каралін Гарсія (73, Францыя) / Дона Векіч (47, Харватыя).
Сабаленка на сённяшні дзень з'яўляецца 3-й ракеткай свету. Яна адзіная беларуская тэнісістка на Алімпійскіх Гульнях у Токіа. Вікторыя Азаранка і Аляксандра Сасновіч ад удзелу ў іх адмовіліся.
24 ліпеня Ілля Івашка (66) сустрэнецца з французам Гаэлем Монфісам (18), Ягор Герасімаў (79) — з Жылем Сімонам (102), таксама прадстаўніком Францыі. У парным разрадзе беларусы пачнуць турнір з сустрэчы супраць Маркуса Даніэля і Майкла Вінуса з Новай Зеландыі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут