Беларуска-украінская мяжа
У памежперахода "Макраны" — "Даманава" на беларуска-ўкраінскай мяжы хочуць усталяваць месцы для часовага пражывання ўцекачоў. Гаворка ідзе пра ўладкаванне з украінскага боку.
"Патрэбна арганізаваць усебаковую падтрымку нашых людзей. Асабліва ў ёй маюць патрэбу маламабільныя", – сказала віцэ-прэм'ер Украіны Ірына Верашчук.
С 24 лютага 2022 года праз гуманітарны калідор "Макраны" — "Даманава" з боку Беларусі ва Украіну заехалі амаль 6 тысяч чалавек, з іх больш за тысячу дзяцей.
На мяжы працуе валанцёрскі цэнтр ад Pluriton. Там у людзей ёсць магчымасць паесці, пагрэцца і пераначаваць.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут