Марына Золатава ў зале суда ў першы дзень пасяджэння / Раман Пратасевіч
13 лютага ў будынку суда Маскоўскага раёна Мінска працягваецца разгляд крымінальнай справы ў дачыненні да галоўнага рэдактара партала TUT.by Марыны Золатавай, больш вядомай як "справа БЕЛТА".
Першае паседжанне прайшло 12 лютага. На ім пракурор Юлія Харчэйкіна агучыла абвінавачанне, прад'яўленае Золатавай, а таксама былі дапытаныя супрацоўнікі БЕЛТА. У тым ліку ў судзе выступіла гендырэктар інфармагенцтва Ірына Акуловіч.
З паказанняў начальніка тэхнічнага аддзела БЕЛТА мы даведаліся, што раней лагіны і паролі ад платнай падпіскі на стужку БЕЛТА кліентам перадавалі па факсе. Намеснік гендырэктара Кірыльчык распавяла, што да пачатку "справы БЕЛТА" ў дамовах з кліентамі не было гаворкі пра забарону перадачы пароляў трэцім асобам, адказнасць за гэта прапісаная не была.
У гісторыі сучаснай Беларусі "справа БЕЛТА" — гэта не першы выпадак, калі галоўнага рэдактара СМІ судзяць за прафесійную дзейнасць. Крымінальны пераслед у дачыненні да 14 іншых фігурантаў быў спынена.
"Справа БЕЛТА" пачалася 7 жніўня 2018 года каля 09:20 раніцы з затрыманняў журналістаў і рэдактараў некалькіх СМІ, а таксама з ператрусаў у іх кватэры. Следчы камітэт паведаміў, што пачаў крымінальную справу па ч.2 ст.349 (Несанкцыянаваны доступ да кампутарнай інфармацыі, здзейснены з іншай асабістай зацікаўленасці, што пацягнула прычыненне істотнай шкоды). Як стала вядома пазней, пад "несанкцыянаваным доступам" следчыя мелі на ўвазе той факт, што рэдактары і журналісты чыталі платныя навіны дзяржаўнага інфармагенцтва па закрытай падпісцы БЕЛТА пад чужым паролем.
"Да дадзенай супрацьпраўнай дзейнасці датычныя службовыя асобы выдавецкага дома "Беларуская навука", ЗАТ "БелаПАН", ТАА "Тутбай Медыя". Сёння па падазрэнні ў здзяйсненні злачынства затрыманыя галоўны рэдактар TUT.BY Марына Золатава, рэдактар TUT.BY Ганна Калтыгина, журналіст БелаПАН Таццяна Каравянкова", — пісаў Следчы камітэт.
У лістападзе журналістам і рэдактарам былі прад'яўленыя абвінавачанні па ч.2 ст.349, а галоўнаму рэдактару TUT.BY Марыне Золатавай — па ч.2 арт.425 КК (Бяздзейнасць службовай асобы).
Пасля крымінальны пераслед у дачыненні да 14 фігурантаў быў спынены — яны аплацілі шкоду дзяржаве ў памеры ад 3000 да 17 000, а таксама штрафы. Так адзінай фігуранткай "справы БЕЛТА" засталася толькі Марына Золатава. Следчы камітэт двойчы адмовіў ёй у хадайніцтве аб спыненні крымінальнага пераследу.
To see this content visit the full version of this page.